16

لیک ہول کی تصویر دکھانے والی کیٹی بومن کون ہیں؟

لیک ہول کی تصویر دکھانے والی کیٹی بومن کون ہیں؟
سائنسدانوں کوایک صدی سے کشمکش میں مبتلا رکھنے والے کائنات کے سب سے بڑے راز بلیک ہول کی پہلی تصویر جاری ہونے کے بعد اسے سائنسدانوں کی بڑی کامیابی قرار دیاجارہا ہے۔اس سے قبل بلیک ہول کی حقیقی شکل سے متعلق اندازے قائم کئے جاتے تھے، یہ پہلی بار ہے کہ سائنسدان کسی بلیک ہول کی تصویر لینے میں کامیاب ہوسکے ہیں جس سے کائنات کے اس راز کو سمجھنے میں مدد مل سکے گی۔
اس کامیابی کا سہرا محققین کی اس ٹیم کے سر ہے جس میں کیتھرین بومن نامی ایک خاتون محقق پیش پیش تھیں۔
کیتھرین یا کیٹی بومن نے تین محققین کی ٹیم کے ساتھ مل کر ریاضی اورکمپیوٹر کا ایک فارمولابنایا جس کی مدد سے بلیک ہول کی تصویر حاصل ہو سکی۔ اس ٹیم نے ہزاروں ہارڈ ڈرائیوز میں جمع ڈیٹا کا استعمال کیا اور آٹھ دوربینوں سے تصاویر اکھٹی کر کے بلیک ہول کی پہلی تصویر پیش کی۔
بلیک ہول کی پہلی تصویر انٹرنیٹ پر تو ایک روز قبل جاری کی گئی مگر کیٹی بومن اور ان کی ٹیم نے گذشتہ برس جون میں اس کے لیے سسٹم کو سگنل بھیج رکھے تھے۔
بدھ کو کیٹی بومن کی سوشل میڈیا پر گردش کرنے والی تصویر نے انہیں لڑکیوں کے لیے ایک مثالی شخصیت بنا دیا ہے کیونکہ تحقیق کے مطابق دنیا بھر کے محققین میں خواتین کی شرح صرف 30% ہے۔

اس خبر پر اپنی رائے کا اظہار کریں

اپنا تبصرہ بھیجیں